Жанқұтты Ботантайұлы 1810 жылы қазіргі Қарағанды облысындағы Ақсу-Аюлы ауданының күнбатыс жағында Аюлы тауының баурайында дүниеге келген. Жанқұтты өткір сөзді, от ауызды, орақ тілді шешен болған. Жанқұтты шешен он жеті жасында әкесінің айтуымен Сарым елінің беделді биі Шабанбайға бата алуға келеді. Би Жанқұттының жайын сұрап білгеннен кейін:

– Шырағым, дүниеде не адал, әлемде не мықты? – деп сұрайды. Сонда Жанқұтты:

– Адал болсаң, судай бол,
Су арамды кетіреді.
Мықты болсаң, жердей бол,
Жер жаһанды көтереді, – деген екен. Жауабына риза болған Шабанбай би бала Жанқұттыны бірнеше күн қонақ етіп, кетерінде:

Аллаға жағам десең – азанды бол,
Ағайынға жағам десең – қазанды бол.
Халқыңа жағам десең – әділ бол,
Судай таза бол,
Жердей берік бол.
Өмірің ұзақ болсын,
Аймағың суат болсын.
Сөзің халқыңа қуат болсын, – деп батасын беріп аттандырған екен.



Пікір қалдыру


Security code
Жаңарту

Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы