2014 жыл 26 желтоқсанда, яғни бүгін сағат 18:00-де Астана қаласы, Республика даңғылы, 2 мекен-жайында орналасқан  «Астана» ұлттық сурет галереясында «ДІН МЕН ДӘСТҮР – ЕГІЗ ҰҒЫМ» атты рухани кеш өтеді.

ҚМДБ-ның төрағасы, Бас мүфти Ержан қажы Малғажыұлы дін қызметкерлері үшін 2014 жылды «Дін мен дәстүр» жылы деп жариялады. Бұл бастаманың мақсаты – дін мен дәстүр сабақтастығын халық арысында кеңінен насихаттау.

«ДІН МЕН ДӘСТҮР – ЕГІЗ ҰҒЫМ» атты рухани кешті ұйымдастырудағы мақсат – «Дін мен дәстүр» жылы аясында атқарылған іс-шараларды қорытындылау, келер жылғы игі шараларға бағыт жасау. Кешті ұйымдастыру арқылы халыққа Ислам құндылықтарын жан-жақты жеткізіп, паш ету.

Рухани кешке қоғам қайраткерлері, ҚР Парламентінің депутаттары, ҚР Мәдениет және спорт министрлігінің өкілдері, Қазақстан Халқы Ассамблеясының мүшелері, Мұсылман елдерінің елшілері, облыс имамдары, қарттар үйінің және жетім балалар үйлерінің тәрбиеленушілері, теолог мамандар қатысады деп күтілуде.

Рухани кеште бұқара халыққа дәстүрлі әншілердің орындауында ән-термелер, айтыс ақындарының арнаулары орындалып, арнайы әзірленген діни-ақпараттық басылымдардың көрмесі ұсынылдады.  2014 жылы дін мен дәстүр сабақтастығының насихатталуына ерекше үлес қосқан 19 адамға ҚМДБ-ның Төрағасы, Бас мүфти Ержан қажы Малғажыұлының арнайы сый-сияпаты табысталады.

Қосымша ақпарат алу үшін 8 (7172) 28-62-20, 87023505313 (Ағабек Қонарбайұлы) телефондарына байланысуға болады.

ҚМДБ баспасөз қызметі



Пікір қалдыру


Security code
Жаңарту

Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы