Items filtered by date: Мамыр 2018

Қасиетті Рамазан айында облыс бойынша түрлі іс-шаралар жоспарланып, бүгінде бірқатары жүзеге асырылуда. Солардың бірі, республикалық деңгейдегі ғалым ұстаздарды шақыртып, өңір жамағатымен кездесу ұйымдастыру.

Осыған орай, РАНТ мүшесі, Нұр-Мүбарак Египет ислам мәдениеті университетінің оқытушысы Оралхан Сейдманов Қызылорда қаласына арнайы іс-сапармен келіп, мешіт жамағаттарымен кездесті.

Атап айтар болсақ, бейсенбі күні «Ақмешіт-Сырдария» орталық мешітінде ауызашарға қатысып, тарауық намазы алдында «Рамазан – құлшылық айы» тақырыбында уағыз айтып, жамағаттың сұрақтарына жауап берді.

Тарауық намазында, қалалық «Қалмұхаммед ишан» мешітінің жамағатымен кездесіп, намаздан соң Өкіл имам, рамазан айы басталғалы тарауық намазында толығымен оқылып біткен, Құран Хатым дұғасын жасады.

Жұма күні облыстық мешітте «Зекет бер: берекетін көр, ырысың молайсын» тақырыбында жұма уағызын айтып, ғибадат айындағы зекет берудің маңыздылығы мен пайдасын түсіндірді. Намаздан соң, Алла Тағаладан өзге аймақтарда орын алып жатқан табиғи апаттар мен келеңсіздіктерден сақтауын сұрап, ел амандығы мен жұрт тыныштығы үшін дұға етті.

Сонымен қатар, ақшам намазынан соң, қалалық «Айтбай» мешітінде жамағатпен кездесу өткізілуі жоспарлануда.

Қызылорда облыстық «Ақмешіт-Сырдария» мешітінің баспасөз қызметі

Published in ІС-ШАРАЛАР

Рамазан – мейірім һәм ізгілік айы. Сыр өңірінің мешіттері сауабы мол мүбарак айда түрлі іс-шаралар мен қайырымдылық акцияларын ұйымдастырып, игі іс жасау жолында жарысуда.

Облыс көлеміндегі барша мешіттерде тұрақты түрде ауызашар дастарханы жайылып, күнделікті тарауық намазын оқуға келетін жамағат пен қала тұрғындарына «тегін таксилер мен автобустар» ұйымдастырылуда.

Сонымен қатар, қала және аудан мешіттерінде қайырымдылық акциялары аясында әлеуметтік жағдайы төмен отбасыларға азық-түлік үлестірілуде.

Мешіт шәкірттері арасында құран хатым оқылып, ҚМДБ-ның Қызылорда облысы бойынша өкілдігінің бастамасымен өткізілетін ауқымды байқауларға, дәлірек айтқанда, «Менің алғашқы оразам», «Құран Кәрімнің 30-шы парасын жатқа оқу», «Имам Науаидің хадистерін жинағын жатқа айту» секілді облыстық деңгейдегі жарыстарға қатысуға дайындық жұмыстары жүргізілуде.

Аймақ жамағатының білім деңгейін көтеру мақсатында үздіксіз сабақтар жүргізіліп, түрлі тақырыптарда уағыздар айтылуда, сонымен қатар, Республикалық деңгейдегі ғалым ұстаздар шақыртылып, кездесулер өткізілуде.

Қасиетті айда облыс көлемінде атқарылуы тиіс ізгі шаралар легі мұнымен тоқтамақ емес.

Қызылорда облыстық «Ақмешіт-Сырдария» мешітінің баспасөз қызметі

Published in ІС-ШАРАЛАР
Бейсенбі, 24 Мамыр 2018 05:32

ОБЛЫСТЫҚ ШЫҒАРМАШЫЛЫҚ БӘЙГЕ!!!

Құрметті Қызылорда облысының тұрғындары!!!

ҚМДБ-ның Қызылорда облысы бойынша өкілдігінің ұйымдастыруымен қасиетті Рамазан айының құрметіне облыс тұрғындары, мешіт жамағаттары арасында (ер, әйел, жасы шектеусіз) "Менің алғашқы оразам" тақырыбында облыстық шығарма жазу БƏЙГЕСІ. 

Шығармалар электронды нұсқада ережеде көрсетілген электронды адреске жолдануы тиіс. Қаріп өлшемі – 14, интервал – 1, формат – А4, көлемі – 2-4 бет аралығы. Міндетті түрде келесі мәліметтер көрсетілсін:

-         - Автордың толық аты, әкесінің аты және тегі;

-         - Туған жылы, айы, күні;

-         - Мекен-жайы, телефон номері;

-         - Қызметі (болған жағдайда).

Жарыс жүлделері:

-         - 1 орын – 50 000 тг

-         - 2 орын – 30 000 тг

-         - 3 орын – 20 000 тг

Жүлделі орынға ие болған үздік шығармалар жергілікті БАҚ өкілдерінде, интернет желілерінде жарияланатын болады.

7.06.18 дейін aqmeshit@mail.ru жіберу керек.

Байқау материалдары авторларға қайтарылмайды.

Қызылорда облыстық "Ақмешіт-Сырдария" мешітінің баспасөз қызметі

Published in ІС-ШАРАЛАР

Құрметті Қызылорда облысының тұрғындары!

ҚМДБ-ның Қызылорда облысы бойынша өкілдігінің ұйымдастыруымен қасиетті Рамазан айының құрметіне облыстық мешіттер шәкірттері (ерлер) арасында Құранның 30-шы парасын жатқа оқудан ЖАРЫС өтеді.

Жарыс жүлделері:

-         1 орын - 70 000 тг

-         2 орын - 50 000 тг

-         3 орын - 30 000 тг

Өтетін уақыты: 3.06.2018 ж.

Өтетін орны: Ақмешіт-Сырдария

Қызылорда облыстық "Ақмешіт-Сырдария" мешітінің баспасөз қызметі

Published in ІС-ШАРАЛАР

Құрметті Қызылорда облысының тұрғындары!

ҚМДБ-ның Қызылорда облысы бойынша өкілдігінің ұйымдастыруымен қасиетті Рамазан айының құрметіне облыстық мешіттер шәкірттері (ерлер) арасында Имам Науаидің 40 хадисін жатқа оқудан ЖАРЫС өтеді. 
Жарыс шарттары: 
- 40 хадистің қазақша мағынасын реттік нөмірімен, жеткізген сахабаның атымен бірге жатқа айту.
- Хадисті қысқаша түсіндіру. 

Жарыс жүлделері:

-         1 орын - 50 000

-         2 орын - 30 000

-         3 орын - 20 000

Өтетін уақыты: 10.06.2018 ж.

Өтетін орны: Ақмешіт-Сырдария

Қызылорда облыстық "Ақмешіт-Сырдария" мешітінің баспасөз қызметі

Published in ІС-ШАРАЛАР

Бүгін Қызылорда қаласындағы Қорқыт Ата атындағы ҚМУ-нің Студенттер сарайында «Зайырлы қоғамдағы – қыз баланың рөлі» тақырыбында семинар-тренинг болып өтті.

Семинарда Қызылорда облыстық «Ақмешіт-Сырдария» орталық мешітінің наиб имамы Б.Улжаев, Облыстық ішкі саясат басқармасының бөлім басшысы Е.Есов, сонымен қатар, арнайы шақыртылған қонақтар, Астана қаласынан ҚМДБ-ның «Әйелдер-қыздар» секторының жетекшісі А.Тлегенова, Өскемен қаласынан «Парасат» консультативтік-әдістемелік орталығы мекемесінің директоры И.Беркимбаева, Тараз қаласынан Жамбыл облыстық дін істері басқармасы Оңалту орталығының инспекторы, дінтанушы теолог маман З.Усенова жиынға қатысушыларға тақырып аясында жан-жақты қамтылған баяндамалар оқып, қазіргі қоғамдағы дертке айналып бара жатқан өзекті мәселелерді айшықтап, шешімін табу жолдарын ұсынды.

Еркін форматта өткізілген семинар соңында білікті мамандар қатысушы қыз-келіншектердің өзекжарды сұрақтарына жауап беріп, жеке тәжірибелерімен бөлісті.

Қызылорда облыстық «Ақмешіт-Сырдария» мешітінің баспасөз қызметі

Published in ІС-ШАРАЛАР
Жұма, 18 Мамыр 2018 05:35

ПІТІР САДАҚАНЫҢ ҮКІМІ

Қажеттілігін қоспағанда, мал-мүлкі, дүниесі күміс нисабына[1] жеткен адамның ораза айт күнінде өзі және сәби балалары үшін пітір садақа беруі – уәжіп. Ол – оразаның қате-кемшіліктерін толтыратын, Құдайға шүкіршілік ету үшін берілетін және кедейлерді қуантатын садақа. «Пітір» сөзі жаратылыс деген ұғымды береді, оны жан садақасы деп те атайды. Пітір садақа екі келі бидай немесе оның өнімдерімен[2] және төрт келі мейіз, құрма немесе арпамен есептеледі. Дегенмен азық-түліктің орнына пітір садақаға оның ақшалай құнын бергені абзал[3]. Биылғы пітір садақа мөлшері екі келі ұнның орташа бағасымен есептеліп, 300 теңге деп белгіленді. Әйелі және үлкен балаларының жағдайлары жетіп тұрса, олар өздері үшін пітір садақа береді. Ал олар үшін де пітір садақа берген адам, әлбетте, сауаптан құр қалмайды. Пақыр адамның пітір садақа беруі – уәжіп емес. Егер беретін болса, өзінен де жағдайы төмен адамға бергені дұрыс. Қалай да орташа дәулетті адам пітір садақаны 2 кг бидай немесе оның өнімдерімен, аса ауқатты адам 4 кг құрма немесе мейізбен бергені абзал. Пітір садақа рамазан айы кіргеннен бастап, ораза айт намазына дейін беріледі. Уақытында бере алмаған жағдайда кейін берсе де болады, бірақ оның сауабы азаяды.

 

ҚМДБ Шариғат және пәтуа бөлімі 


[1] Бүгінгі таңда күміс нисабы 103 000 (жүз үш мың) теңге деп бекітілді. 
[2] «Әл-муфассал фи әл-фиқһ әл-ханафи», Мұхаммад Мажид Ғитр, 285-бет. 
[3] «Әл-фәтауа әл-һиндия», 1/210-211.

Published in ПӘТУАЛАР
Жұма, 18 Мамыр 2018 05:33

САДАҚА ДЕГЕНІМІЗ НЕ?

«Садақа» сөзі адалдық, шынайылық, шыншылдық, құдайшылдық деген мағыналарға саяды. Садақа арқылы пенде өзінің Құдай алдындағы адалдығын, сенімінің шынайылығын дәлелдейді. Зекет, пітір, пидия[1], кәффарат секілді уәжіп және парыз садақалар – кедей-кепшік, жоқ-жітіктің ақысы. Оны белгіленген топтардан басқаларға беру, жол және көпір салу, құдық және бұлақтан су шығару, мешіт және медресе көтеру секілді бүкілхалықтық игілік үшін пайдалану – дұрыс емес. Аталмыш садақалардан басқа қайырымдылықтар, бүкілхалықтық игілік үшін жұмсалатын мал-дүниелер нәпіл садақаға жатады. Нәпіл садақа беру де – сауабы мол мұстахап амал. Үздіксіз садақа беру күнәлардың кешірілуіне, бәле-жала және түрлі апаттардан аман қалуға себеп болады. Кедейлік және мұқтаждық себепті садақа сұрап жүрген адамға өрескел сөздер айтуға болмайды. Аз болса да, бір нәрсе беру немесе жылы сөзбен жауап қайыру керек. Тамағы, не ақшасы біраз күнге жететін адамға садақа сұрау – харам. Бірақ ондай адамның киім-кешек секілді өзіне зәру нәрсе сұрауы – айып емес. Мұқтажсыз адамға садақа беріп, оны қайыршылыққа үйрету – мәкруһ. Садақа берген адамға ризалық білдіріп, мына дұға оқылады: اَللَّهُمَّ احْفَظْ صَاحِبَ هٰذِهِ الصَّدَقَةِ عَنِ الأَفَاتِ وَ الْبَلِيَّاتِ وَ اغْفِرْ ذُنُوبَهُ وَ أَكِّدْ إِيْمَانَهُ وَ أَكْثِرْ أَمْوَالَهُ وَ وَفِّقْهُ عَلَى خَيْرِ مَقَاصِدِهِ Мағынасы: Иә, Алла, осы садақа еткен адамды түрлі пәле-апаттардан сақта, күнәларын кешір, иманына қуат бер, дүниесін көбейтіп, оны жақсы мақсаттарға жұмсауды нәсіп ет! 

 

ҚМДБ Шариғат және пәтуа бөлімі

[1] Пидия – ол орта есеппен бір адамның күнделікті (таңғы және кешкі) асы. Ол шамамен 1000 (мың) теңгені құрайды.

Published in СҰРАҚ-ЖАУАП
Жұма, 18 Мамыр 2018 05:31

ТӨРТ ТҮЛІК МАЛДЫҢ ЗЕКЕТІ

Жарты жылдан көп уақытта жайлауда өсіретін қой, ешкі, өгіз, сиыр, түйе, жылқы секілді үй жануарларынан да зекет беріледі. Үй шаруашылығына пайдаланатын малдардан және есек, қашыр, бұғы, елік секілді хайуандардан зекет берілмейді. Қой мен ешкінің нисабы – 40 тұяқ. Қойдың (ешкінің) саны Берілетін зекет 1-39 – 40-120 1 қой (ешкі) 121-200 2 қой (ешкі) 201-399 3 қой (ешкі) 400-499 4 қой (ешкі) Кейін әр жүзден 1 қой беріп отырады. Қой мен ешкі бірге саналады. Сиырдың нисабы – 30 бас. Қарамалдың саны Берілетін зекет 1-29 – 30-39 бір жасар 1 тана 40-59 екі жасар 1 тана 60-69 бір жасар 2 тана 70-79 бір жасар 1 тана және екі жасар 1 тана 80-89 екі жасар 2 тана 90-99 бір жасар 3 тана 100-109 бір жасар 2 тана және екі жасар 1 тана 110-119 бір жасар 1 тана және екі жасар 2 тана 120-129 бір жасар 4 тана немесе екі жасар 3 тана 40-тан артып, 60-қа жеткенше екі жасар 1 танадан бөлек ешнәрсе берілмейді[1]. Онан соң есеп әр он сиырда өзгеріп отырады. Сиыр, өгіз, тана, бұзау – бәрі бірге есептеледі. Зекетке берілетін тананың еркек не ұрғашысына қарамайды. Түйенің нисабы – 5 бас. Түйенің саны Берілетін зекет 1-4 – 5-9 1 қой 10-14 2 қой 15-19 3 қой 20-24 4 қой 25-35 бір жастан асқан бұзбаша (бинт мәхад) 36-45 екі жастан асқан құнанша (бинт ләбун) 46-60 үш жастан асқан інген (хиққа) 61-75 төрт жастан асқан інген (жәзаға) 76-90 екі жастан асқан 2 құнанша (бинт ләбун) 91-120 үш жастан асқан 2 інген (хиққа) Әрі қарай әр беске 1 қой, ал әр 46 мен 50 түйеде үстіне үш жастан асқан бір інген қосып беріп отырады. Жылқыдан да зекет беріледі. Жылқылар тек байтал немесе айғыр-байтал аралас болуы және оларды қосып бағасын есептегенде, құны нисап мөлшеріне жетуі шарт. Сосын жылқылардың бағасы ақшалай есептеліп, оның 2,5%-ы (1/40) зекетке бөлінеді. Жемдеп бағылатын және мінетін жылқыларға зекет берілмейді. Зекетке тиісті түлік малдың орнына олардың ақшасын беруге де болады. Жылдың басында нисапқа толған малы жыл бойы өсіп көбейсе, зекетті жылдың соңындағы нисаптың есебімен береді[2].

 

ҚМДБ Шариғат және пәтуа бөлімі 
[1] «Әл-фәтауа ат-татархания фи әл-фиқһ әл-ханафи», 2/6. 
[2] «Фатху баб әл-ғиная би шархи китаб ан-нуқая», 2/39.

Published in ПӘТУАЛАР
Жұма, 18 Мамыр 2018 05:29

ЗЕКЕТТІҢ ҮКІМІ

Құран Кәрімде: «Намазды орындаңдар, зекет беріңдер һәм Аллаға көркем қарыз (садақа) беріңдер. Өздерің үшін алдын ала жасаған қайырларыңның (қиямет күні) Алланың қасында одан да қайырлы әрі мол сауапты екендігін табасыңдар»[1], – делінген. Пайғамбарымыз (оған Алланың салауаты мен сәлемі болсын): «Алланың берген мал-дүниесінен зекет шығармаған адамды қиямет күні маңдайында екі қалы бар, қасқабас жылан орап, азаптайды, өткір улы тістерімен шағып, «мен сенің қазынаңмын, мен сенің дүниеңмін» дейді, кейін: «Алланың шексіз шарапатымен үйіп-төгіп берген нығметтерін игі жолда жұмсамай сараңдық қылғандар бұл қылықтары өздері үшін қайырлы болады деп ойламасын. Керісінше, бұл өздері үшін жаман болады»[2], – деген аятты оқиды»[3], – деді. «Зекет» сөзі көбею, өсу, тазару мағыналарына саяды. Зекет берумен зекет берушінің мал-дүниесі тазаланады, берекеленеді. Ислам дінінде балиғатқа толған, ақыл-есі дұрыс мұсылманға жылына бір мәрте мал-мүлкінен зекет беру – парыз. Зекет беру үшін қарызы мен қажеттілігінен артық өсімді мал-дүниесі нисап мөлшеріне жетіп, сол нисапқа бір жыл бойы иелік етуі тиіс. Зекет беру үшін мал-дүниесі нисап мөлшеріне жетуі шарт. Нисап – ол зекетті парыз ететін белгілі байлық мөлшері[4]. Бай адам деп мал-дүниесі нисапқа жеткен адамға айтылады, ал дүниесі нисапқа жетпеген адам кедей саналады. Нисапқа толмаған мал-дүниеден, сондай-ақ үй-жай, киім-кешек, мініс көлігі, кітап, ыдыс-табақ және тұрмыстық құрал-саймандар секілді қажетті заттардан және жалға берілген үйден, егін алқаптарынан, бау-бақшалардан, орман жерлерден зекет беру – парыз емес. Біреуден алған қарыз және аманат малынан зекет берілмейді. Біреуге берген қарыз өзінің мал-дүниесі болып саналады. Сенімді адамға қарыз беріп, қалаған уақытта оны қайтарып алуға шамасы жетсе, ондай қарыздан да зекет беріледі. Тума алтын-күміс, тиындық алтын-күміс, алтын-күміс әшекейі және алтын-күмісі көп қосындыдан зекет беріледі. Алтын-күмістің орнына қолданылатын бақыр ақшадан, құнды қағаздардан және қағаз ақшалардан зекет беріледі. Жарты жылдан көп уақытта жайлауда өсіретін қой, ешкі, өгіз, сиыр, түйе, жылқы секілді үй жануарларынан да зекет беріледі. Үй шаруашылығына пайдаланатын малдардан және есек, қашыр, бұғы және елік секілді хайуандардан зекет берілмейді.

ҚМДБ Шариғат және пәтуа бөлімі 
[1] «Мүззәммил» сүресі, 20-аят. 
[2] «Али Имран» сүресі, 180-аят. 
[3] Бухари риуаят еткен. 
[4] Биыл 2018 жылы нисап мөлшері 1 180 000 (бір миллион бір жүз сексен мың) теңге етіп бекітілді.

Published in ПӘТУАЛАР
Page 1 of 3
Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы