Aqmeshit

Aqmeshit

Donec pulvinar, ligula sed volutpat rutrum, risus purus ullamcorper massa, at tristique risus nisi quis est. Suspendisse pharetra sagittis leo eget tincidunt? Maecenas ut consequat massa

Қасиетті жұма күні Сыр өңірінің Бас мешіті - «Ақмешіт-Сырдария» орталық мешітіне екі бірдей наиб имам тағайындалды.

Бүгінде, ҚМДБ төрағасы, Бас мүфти Серікбай қажы Сатыбалдыұлының тапсырмасымен жергілікті халықтың діни білімін арттыру мақсатында білікті кадрларды қызметке шақыру арқылы облыстағы діни ахуал тұрақтылығын сақтау басты назарға алынған. Осыған орай, өңірімізде білікті кадрларды барынша көптеп шақыру жұмыстары жүргізілуде.

Өкіл имам Болатбек қажы Ұласқанұлы «Апатқа ұшыраған қауымдар» тақырыбында жұма уағызын айтып, ғибратты оқиғаларды мысалға келтіре отырып, тақырыпты айшықтап жан-жақты түсіндірді.

Бұдан кейін, орталық мешітте абыроймен адал қызмет атқарған Б.Улжаевқа алғыс білдіріп, қазақы дәстүрмен иығына шапан жапты және де аталмыш мешіттің жаңа қызметкерлерін барша жамағаттың алдында таныстырды.

Евилхан Съезбек – 11.06.1976 жылы Моңғолия мемлекетінде дүниеге келген.

Білімі:

2006-2008 жж. ҚМДБ «Ислам институтында» оқыған.

Еңбек жолы:

1995-1996 жж. Павлодар қ., «Ақмешіт» мешітінде азаншы;

1996-1997 жж. Павлодар қ., Ертіс аудандық мешітінің наиб имам;

2015-2018 жж. Қызылорда обл., Арал аудандық орталық мешітінде Бас имам болып қызмет атқарған.

Ешмахан Рүстем – 21.06.1985 жылы Қызылорда облысы, Қазалы ауданында дүниеге келген.

Білімі:

2005-2006 жж. Отырар университетінде дайындық курсын;

2007-2008 жж. Отырар университетінің «философия» факультетінің 1 курсын;

2008-2011 жж. Ливия мемлекетінде «исламға шақыру» университетінде білім алған.

2015-2018 жж. «Ақтөбе» медресе-колледжін тәмамдаған.

Еңбек жолы:

2012-2013 жж. Қызылорда облысы, Қазалы аудандық мешітінде наиб имам;

2014 ж. Қызылорда облысы, Сырдария аудандық «Мұсылмандар» мешітінде наиб имам;

2014-2015 жж. Алматы облысы, Шамалған ауылдық мешітінде наиб имам;

2016-2018 жж. Қызылорда облысы, Қазалы аудандық «Жанқожа батыр» мешітінде наиб имам болып қызмет атқарған.

 

ҚМДБ-ның Қызылорда облысы бойынша өкілдігінің баспасөз қызметі


МИНИ ФУТБОЛДАН ОБЛЫСТЫҚ БІРІНШІЛІК ӨТТІ

Published in ІС-ШАРАЛАР UTC+00:000_K2_ДсAMUTCE_Шілде+0000RШілAMUTC_0C 0

Қызылорда облысы, Қармақшы ауданында ҚМДБ-ның Қызылорда облысы бойынша өкілдігі мен аудандық спорт басқармасының ұйымдастыруымен мини футболдан облыстық біріншілік болып өтті.

Астана қаласына 20 жыл, Қызылорда қаласына 200 жыл, Қармақшы ауданына 90 жыл толу құрметіне орай өткізілген  турнирде аудандық мешіттер мен облыстық мешіт жамағаттарынан жасақталған 9 құрама  бақ сынасты.

Жарыстың басты мақсаты: мешіт жамағаттары арасындағы бауырмашылдықты, бірлік пен татулықты нығайтып, толлеранттылықты қалыптастыру.

Облыстық біріншіліктің қорытындысы бойынша:

І-орын: Қазалы ауданы (50 000 тг);

ІІ-орын: Жалағаш ауданы (30 000 тг);

ІІІ-орын: Байқоңыр қаласының (20 000 тг) құрамалары қаржылай сыйақылармен жəне мақтау қағаздарымен марапатталды.

ҚМДБ-ның Қызылорда облысы бойынша өкілдігінің баспасөз қызметі


СЫР ЖАСТАРЫ ИГІ ІСТЕРДЕ ЖАРЫСТЫ

Published in ІС-ШАРАЛАР UTC+00:000_K2_ЖмAMUTCE_Шілде+0000RШілAMUTC_0C 0

Қазақстан мұсылмандары діни басқармасы, «Насихат және қоғаммен байланыс» бөлімінің Қызылорда облысы бойынша өкілдігіне қарасты «Жастар ісі секторы» біршама игі істерге ұйытқы болды. ҚМДБ-ның Қызылорда облысы бойынша өкілі, «Ақмешіт Сырдария» орталық мешітінің Бас имамы Болатбек қажы Ұласқанұлының тапсырмасымен өңірдің Жастар ісі секторы төмендегідей үлгілі істер қолға алды.

ҚАРТ АНАҒА ЖАСТАР КӨМЕК КӨРСЕТТІ

ҚМДБ-ның Қызылорда облысы бойынша өкілдігіне қарасты Жастар ісі секторының ұйымдастыруымен кезекті сауапты жұмыс жасалды.

Дəлірек айтсақ, Қызылорда қаласының тұрғыны, жалғыз басты Гүлжамал əжейдің шаңырағына жастардан құралған "Шын жүректен" еріктілер тобы барып, жұмыла қол көмектерін берді. 

Аула жұмыстарын жасап, əрлеу, есік-терезелерін жөндеу, бау-бақшаны арам шөптерден тазарту сынды істерге жарыса жəрдем етті. Иманды жастардың ынталы ісіне қуанған қарт əжей ризашылығын білдіріп, ақ батасын берді.


МҰҚТАЖ ОТБАСЫҒА ЖƏРДЕМ ЕТТІ

ҚМДБ-ның Қызылорда облысы бойынша Жастар ісі секторы жанындағы "Шын жүректен" қайырымды-еріктілер тобы жəне Қызылорда қалалық "Айтбай" мешіті Титов мөлтек ауданының Зуһра есімді тұрғынының мұқтаждық жағдайына жəрдем етті. 

Бұл кісінің осыған дейінгі тұрып жатқан үйлері өртеніп, бүкіл дүниелері отқа оранған болатын. Қазіргі күні пəтер жалдап, күнелтуде. Қандайда көмекке зəру. 

Осыған орай, өтінішін аяқсыз қалдырмаған "Айтбай" мешіті жəне "Шын жүректен" еріктілері қазіргі сəтте аса қажетті газ плита мен азық-түлік, балаларына киім-кешек алып барып қуантты.

КƏУСАРҒА ҚОЛДАУ ЖАСАДЫ

Қызылорда қаласының кішкентай ғана тұрғыны Кəусардың дертіне шипа тілеп, еміне жəрдем көрсетсек деген ниетпен ҚМДБ-ның Қызылорда облысы бойынша өкілдігі, Жастар ісі секторының ұйытқы болуымен құрылған "Шын жүректен" қайырымды-еріктілер тобы қайырымдылық акциясын қолға алды. 

Облыстық "Ақмешіт-Сырдария" орталық мешіті жəне Қызылорда қалалық "Айтбай" мешітінің ауласында қайырымдылық акциясы аясында сулар, сондай-ақ, орталық алаң мен қалалық паркте шарлар сатылды.

"Шын жүректен" қайырымдылық тобының атынан арнайы ұйымдастарылған акциялар нәтижесінде жалпы сомасы 100 000 теңге есепшотына аударылып, көмек көрсетілді.

ЖҰМЫСШЫЛАРҒА ДӘМДІ ТАҒАМ ТАРАТТЫ

Қызылорда қалалық мешіттер жамағаттары қасиетті Шəууал айының ішінде сауап істе жарысты. Дəлірек айтқанда, шілденің шіліңгір ыстығында түрлі жұмыста əсіресе құрылыс пен қаладағы көшелер мен көрікті орындарда тазалық жасап жүрген жұмысшыларға арнайы палау əзірлеп, нан жəне айран таратты. 

Сауапты іске өңірдің Жастар ісі секторының үйлестірушісі Қайырбек Отызбаев қатысып, күннің ыстығында елімізге еңбек етіп жүрген кісілерге ризашылығын білдіріп, жұмыстарына табыс тіледі.

Жамағаттар мен имамдардың жасаған сауапты істеріне сүйсінген жұмысшылар шексіз ризашылықтарын жеткізіп жатты. Мұндағы мақсат - күннің ыстығында еңбек етушілерге бір сəт құрмет көрсету болатын. Игі іс аясында 250-ге жуық кісіге дəмді тағам үлестірілді. 

Қарапайым кісілердің көзге көріне бермейтін, бағалана қоймайтын еңбектерін ескеріп-елеген дін қызметкерлері мен жамағаттардың игі істері елді сүйсінтті.

ҚМДБ-ның Қызылорда облысы бойынша өкілдігінің баспасөз қызметі


ШИЕЛІ АУДАНЫНА ЖАҢА ИМАМ ТАҒАЙЫНДАЛДЫ

Published in ІС-ШАРАЛАР UTC+00:000_K2_ЖмAMUTCE_Шілде+0000RШілAMUTC_0C 0

ҚМДБ төрағасы, Бас мүфти Серікбай қажы Ораздың №1481 бұйрығымен Шиелі аудандық орталық мешітінің бас имамдық қызметіне Улжаев Бақыт тағайындалды.

Шиелі ауданына іс-сапармен барған өкіл имам Болатбек қажы Ұласқанұлы ең алдымен аудан әкімінің аппарат жетекшісі Ғ.Күлбаевпен кездесіп, жаңа имам Б.Улжаевты таныстырып, өңірдегі діни ахуалды сақтау, жаңадан құрылған Түркістан облысында ашылған ҚМДБ өкілдігі, ҚМДБ-ның Қызылорда облысы бойынша өкілдігімен атқарылып жатқан жаңа бастамалар, жоспарларды талқылады.

Қасиетті жұма күні аудандық орталық мешітте «Ислам – бейбітшілік діні» тақырыбында уағыз айтып, жамағатты әрдайым ынтымақта болып, бірлікпен жұмыс жасауға шақырды. Бұдан кейін, аудан ақсақалдары мен барша жамағаттың алдында Шиелі ауданында Бас имамдық қызметті абыроймен атқарған Р.Ахметовке өз атынан алғыс хат табыстап, ауданға тағайындалған жаңа имам Б.Улжаевты таныстырды.

Намаздан кейін, Өкіл имам ел амандығы мен жұрт тыныштығы, бейбіт өмірдің тұрақтылығы, ұрпағымыздың баянды болашағы үшін Алладан дұға етті.

     Улжаев Бақыт – 28.07.1990 ж. ОҚО дүниеге келген.

Білімі: Жоғары

2008-2012 жж. «Нұр-Мүбарак» Египет ислам мәдениеті университетінде бакалавр «Исламтану» мамандығы бойынша білім алған.

2015-2017 жж. Шет тілдер және карьера университетінің «Дінтану» мамандығы бойынша магистрі.

Еңбек жолы:

2012-2013 жж. Ақмола облысы, Бурабай аудандық мешітінің наиб имамы;

2013-2018 жж. Қызылорда облыстық «Ақмешіт-Сырдария» орталық мешітінің наиб имамы болып қызмет атқарған.

ҚМДБ-ның Қызылорда облысы бойынша өкілдігінің баспасөз қызметі


ҚМДБ-ның Қоғаммен байланыс бөлімі, Қызылорда облысы бойынша «Әйелдер-қыздар» секторының ұйымдастыруымен «Ақмешіт-Сырдария» орталық мешітінде «Игілік басы – ынтымақ, Ынтымақты елде – күншуақ» тақырыбында дөңгелек үстел болып өтті.

Облыс мешіттерінің әйел ұстаздары мен шәкірттерінің қатысуымен өткен шарада Қызылорда облысы бойынша өкілі Болатбек қажы Ұласқанұлы «Бірлік – берекенің бастауы» тақырыбында жасаған баяндамасы аясында бейбіт өмірдің басты шарты татулықты сақтау екенін түсіндіріп, Пайғамбар өмірінен үлгі боларлық мысалдар келтіріп, көркем мәміледе болуға шақырды.

Бірлікке насихаттаушы игі шарада ұстаздар мен ақ жаулықты аналар бүгінгі күннің басты бүлігі – бөлінушілік, араздық, іріткі салу екенін және олардың қоғамға тигізер залалын жіктеп, өзара пікір алмасып, тарихтағы өнегелі оқиғалар төңірегінде салихалы сұхбат өрбітті.

Сұхбат соңында, өкіл имам бүгінгідей бейбіт заман үшін Алла Тағалаға шүкіршілік айтып, ел бірлігі мен татулығы, келешек ұрпақтың баянды болашағы үшін дұға етті.

ҚМДБ-ның Қызылорда облысы бойынша өкілдігінің баспасөз қызметі


ҚМДБ-ның   Қызылорда облысы бойынша өкілдігі

«Ақмешіт-Сырдария» орталық мешітінің ерлер мен әйел жамағатына арналған сабақ кестелері

 

 


АРАЛ АУДАНЫНА ЖАҢА ИМАМ ТАҒАЙЫНДАЛДЫ

Published in ІС-ШАРАЛАР UTC+00:000_K2_СбAMUTCE_Шілде+0000RШілAMUTC_0C 0

ҚМДБ төрағасы, Бас мүфти Серікбай қажы Ораздың 04.07.2018 жылғы №1479 санды бұйрығымен Арал аудандық орталық мешітінің бас имамы болып Кабылгазиев Кайрхан тағайындалды.

Қасиетті жұма күні, Арал ауданына арнайы іс-сапармен барған Өкіл имам Болатбек қажы Ұласқанұлы аймақ әкімі М.Оразбаевпен кездесіп, жергілікті мекеме басшыларының қатысуымен өткен отырыста жаңа имам К.Кабылгазиевті таныстырып, өңірдегі діни ахуал тұрақтылығын сақтап, жандандыру жолында бірлесе жұмыс жасауға шақырды. Кездесу барысында, аймақтағы діни ахуал тұрақтылығы, білікті кадрларды жұмысқа шақыру мәселесі, сонымен қатар, жақында ғана Ел президенті Н.Назарбаевтың Түркістан облысын құруға қатысты жарлығының ел тарихындағы елеулі шешім екендігі және де Бас мүфти Серікбай қажы Сатыбалдыұлының аталмыш облыста ҚМДБ өкілдігін ашу туралы шешімінің маңыздылығы сөз болды.

Бұдан кейін, мейрамханада берілген асқа аудан әкімінің орынбасары, мекеме басшылары, зиялы қауым өкілдері, ардагерлер қауымы, кәсіпкерлер, ақсақалдар мен мешіт жанашырлары қатысып, жаңа имамға өз тараптарынан қолдау көрсететіндіктерін жеткізіп, облыс көлемінде атқарылып жатқан бастамалары үшін Өкіл имамға алғыстарын білдірді.

Сапар соңында, Арал аудандық орталық мешітте Өкіл имам «Сүннетпен амал етудің маңыздылығы» тақырыбында уағыз айтып, барша жамағаттың алдында Арал аудандық орталық мешітінде бас имамдық қызметін абыроймен атқарған С.Евилханға алғыс білдіріп, аймақтың жаңа имамын таныстырды.

Кабылгазиев Кайрхан Табысович – Қызылорда облысы, Арал қаласында 04.12.1990 жылы дүниеге келген.

Білімі: Жоғары

  • 2010 – 2013 жж.  Ақтөбе обл. «Ақтөбе» медресе колледжінде білім алған; 
  • 2013  - 2016 жж.  Алматы қ. «Нұр – Мүбарак» Египет Ислам мәдениеті университетінің «Исламтану» мамандығы бойынша бакалавры.
  • 2017 ж. Алматы қ. Нұр – Мүбарак Египет ислам мәдениеті университеті жанындағы «Экстремизмнің алдын алу саласында мамандарды қайта даярлау институтын» тәмамдаған.

Еңбек жолы:

  • 2016 ж бастап 2018 ж. шілде айы аралығында «Арал аудандық орталық» мешітінің найб имамдық қызметін атқарған.

ҚМДБ-ның Қызылорда облысы бойынша өкілдігінің баспасөз қызметі


БАС МЕШІТТЕ БАСТАУ АЛҒАН ЖАҢА ӨЗГЕРІСТЕР

Published in ІС-ШАРАЛАР UTC+00:000_K2_СбAMUTCE_Шілде+0000RШілAMUTC_0C 0

Облысымыздың Бас мешіті - «Ақмешіт - Сырдария» орталық мешітінде ҚМДБ-ның Қызылорда облысы бойынша Өкілі Болатбек қажы Ұласқанұлының тапсырмасымен, біршама өзгерістер орын алып, жаңа бастамаларға жол ашылған еді. Мысалы, мешітіміз жаңа үлгідегі кілемдермен жаңартылып, мешіт ауласында ақпараттандыру бұрыштарының орнатылуы, көгалдандыру жұмыстарының жүргізілуі, әр бейсенбі сайын мешіт жанындағы асханада ауыз бекітуші жамағатқа арналып ауызашар берілуі, әр жексенбі сайын "Евразия" және "Мұз айдыны" спорт кешендерінде ерлер жамағатының спортпен шұғылдануына мүмкіндік жасалуы, күнделікті намаз уақыттары мен аят-хадистер, тағылымы мол ғибратты оқиғаларға негізделген қысқа видеороликтер заманауи құрылғылар арқылы үнемі келушілер назарына ұсынылуы, сонымен бірге, мешіттің таңбасы (логотип) жаңа дизайнмен өзгертілді, жаңа үлгідегі сайт парақшасы ашылып, телефонға арналған қосымшасы дайындалуда және де облыстағы білікті ұстаздарымыз күнделікті үздіксіз дәрістер жүргізуде. Сонымен қатар, халық игілігі үшін мешіт жанынан түрлі орталықтар ашылып, білікті мамандар өз салалары бойынша тегін қызмет көрсетуде.

Атап айтар болсақ, Бас мүфти Серікбай қажы Сатыбалдыұлының төрағалағымен бекітілген биылғы «Ислам және отбасы» жылы аясында, Өкіл имам Болатбек қажы Ұласқанұлының арнайы тапсырмасымен, аймақтық мешіттерде отбасылық мәселелер бойынша «Кеңес беру орталығы» ашылды. Орталықтың негізгі мақсаты - қазіргі қоғамда орын алып жатқан өзекті мәселелердің бірі – ажырасудың алдын алу, жаңадан шаңырақ көтерген жас жұбайларға отбасылық түйткілдерді шешуге көмектесу және жанұя жарасымдылығын сақтау.

Республикалық деңгейдегі қариларды дайындау мақсатында, облыстық «Құран жаттау орталығы» ашылып, екі бірдей қари ұстазымыз аптасына алты күн екі мезгіл тұрақты сабақ беруде. Бүгінде, орталықта Қасиетті Құран Кәрімді толық жаттауға ниеттенген 100-ден аса шәкірт ұстаздарынан Құранды толық, қатесіз, әрі тиімді жаттаудың қыр-сырын үйренуге ден қойған.

Аймақ көлемінде алғаш рет ашылған орталықтың бірі - «Араб тілін оқыту орталығында» Нұр-Мүбарак Египет ислам мәдениеті университетінің түлегі, білікті ұстаз араб тілі грамматикасы бойынша сабақ беруде.

Өңіріміздегі дін саласында орын алған жаңалықтардың бірі – мешіт жанынан облыстық кітапхананың ашылуы. Кітапхана қазақ, араб, түрік тілдерінде жазылған 4000-ға жуық кітап қорымен қамтылған. Келуші оқырмандардың рухани азық алып, керекті мәліметтер алуына зор мүмкіндік жасалған. Болашақта, кітап қорын көбейтіп, жергілікті халыққа қолжетімді болуы үшін ислам әлемінің атақты ғалымдары мен әлемдік деңгейдегі жазушылардың әдебиеттерімен толықтыру жоспарлануда.

Сыр өңірінің Бас имамы Болатбек қажы Ұласқанұлы бастаған аймағымыздағы дін қызметкерлерінің жергілікті жамағаттың білімі мен бірлігін арттыру мақсатында жасап жатқан бастамалары бұнымен тоқтамақ емес. Ел игілігі үшін атқарылуы тиіс біршама жобалар жоспар бойынша жүзеге асырылуда.

ҚМДБ-ның Қызылода облысы бойынша өкілдігінің баспасөз қызметі


БАЛАЛАР ОБЛЫСТЫҚ МЕШІТ ТЫНЫСЫМЕН ТАНЫСТЫ

Published in ІС-ШАРАЛАР UTC+00:000_K2_СсAMUTCE_Шілде+0000RШілAMUTC_0C 0

ҚМДБ-ның Қызылорда облысы бойынша өкілдігінің ұйымдастыруымен «Соқырлар қоғамы» ұйымы мүшелері мен балалары облыстық «Ақмешіт-Сырдария» орталық мешітінде қонақта болды.

Орталық мешіттің найб имамы Б.Улжаев балалар мен ата-аналарды ғимараттың сәулетті құрылысымен, салыну тарихымен, сондай-ақ мешіттің жаңа өзгерістерімен және жақында ашылған «Кеңес беру» орталығы, «Араб тілі» орталығы, «Құран жаттау» орталығы, «Облыстық діни кітапхана» жұмыстарымен таныстырды.

Бұдан кейін, қонақтар оқылған Құран Кәрім аяттарының сауабын ата-бабаларына бағыштап, дұға етті.

Бас мешітке жасалған кішігірім танысу сапары мешіт жанындағы асханада жайылған ақ дастарханнан дәм татумен аяқталды.

Балалар мен ата-аналар құлшылық мекенінде ұйымдастырылған кішігірім саяхатқа дән риза болып, өкіл имам Болатбек қажы Ұласқанұлы мен қызметкерлеріне алғысын білдірді.

ҚМДБ-ның Қызылорда облысы бойынша өкілдігінің баспасөз қызметі


Қасиетті жұма күні Өкіл имам Болатбек қажы Ұласқанұлы барша жамағаттың алдында «Айсұлтан» ЖК ет сататын дүкеніне ҚМДБ-ның «Халал сертификатын» және мекеменің екі қасапшысына қасапшы куәлігі мен мөрін табыстады.

Аталмыш мекеме ҚМДБ жанындағы «Халал Даму» ЖШС мекемесінің арнайы тексерісінен өтіп, 1:2016 «Мал бауыздау және ет өңдеу» және 3:2016 «Халал» өнімдерді дайындауға, өңдеуге, сақтауға, тасымалдауға қойылатын жалпы талаптар» стандарттарының шарттарына сай екендігі расталды.

«Айсұлтан» ЖК «Фермерский» ет дүкені өнімдерінің өмірлік цикліндегі үрдістер тәуелсіз бақылаушы қызметкер мен онлайн режимде жұмыс жасап тұрған бақылау камералары арқылы Халал Даму ЖШС-ның Қызылорда облысы бойынша өкілдігінің бақылауында.

Сонымен қатар, мекеме қызметкерлері толығымен халал стандарты талаптары бойынша арнайы оқу семинарынан өткізілді.

«Айсұлтан» ЖК

«Фермерский» ет дүкені

Қызылорда қаласы, Шұғыла шағын ауданы, №53/42

Сертификат тіркеу №000198

Байл. тел. 87072129586

ҚМДБ-ның Қызылорда облысы бойынша өкілдігінің баспасөз қызметі


Page 1 of 139
Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы