Дүйсенбі, 22 Желтоқсан 2014   |   1372 рет оқылды

Тиләуәт сәждесі мәкрүһ уақытта жасала ма?

Тиләуәт сәждесі мәкрүһ уақытта жасала ма? Жәмилә Сатыбаева 


 

Құрметті Жәмилә, кісі бұрын оқыған немесе естіген «Тиләуәт сәждесін»[1] мына уақыттарда жасамайды:

1. Күн көкжиектен шығып, найза бойы көтерілгенге дейінгі уақыт ішінде.

2. Күн дәл тас төбеге келгенде. (Шамамен бесін уақытысынан бұрын 40 минут)

3. Күннің қызарып батуға бет алуымен, толықтай батқанға дейінгі уақыт арасында.

Осы үш уақытта ардақты Пайғамбарымыз (с.а.у.) намаз оқудан, жаназа шығарудан тыйған. Тиләуәт сәждесі де намазға ұқсас болғандықтан, оны да аталмыш уақыттарда жасауға болмайды.

Бірақ, егер, осы үш уақыттың бірінде тиләуәт сәждесін оқыған болса, немесе естіген болса, онда сол сәтте тиләуәт сәждесін жасауға рұқсат. Сонда да, кейінге қалдырған абзал.

Аталмыш үш уақыттардан өзге кез келген уақытта тиләуәт сәждесін жасауға болады. Мысалы: Таң намазынан кейін; Асыр намазынан кейін (күннің қызарып батуға бет алуына дейін) т.б. [2].

[1] Қосымша мәлімет
[2] Әл-Фәтәуә әл-Хиндия – 1/59 бет; Әл-Биная шархул хидая – 2/62 бет.; Ислам ғылымхалы – 128 бет.

Абдусамат Қасым
 

Қосымша мәлімет

Хайыз уақытында «тиләуәт сәждесін» естісе не істеу керек?

Әуелі «тиләуәт сәждесі» дегеніміз не? Соған тоқталайық. Құран Кәрімдегі сәжде жасауға бұйырған аяттардың бірін оқуды  - тиләуәт сәждесі[1] дейміз. 

Құран Кәрімнің он төрт жерінде сәжде аяты келген[2]. Ханафи мазһабында осы аяттарды оқыған не естіген кезде бір рет сәжде жасау – уәжіп.

Хайыз немесе нифас кезіндегі әйелге намаз оқу міндет емес екендігі мәлім. Сол секілді, хайыз яки нифас кезіндегі әйел естіген тиләуәт сәждесін орындау немесе кейіннен қазасын өтеу міндет емес.

Бірақ жүніп[3] болған адам  ғұсылданбай (жуыну) тұрып тиләуәт сәждесін естіген болса, онда ғұсыл құйынғаннан кейін қазасын өтеуі тиіс.

Тиләуәт сәждесін жасайтын адамның дәреті, әурет жерінің жабық болуы тиіс. Ниет етіп, құбылаға қарап, қолдарын көтермей «Аллаһу әкбар» деп сәждеге барады. Үш рет «субхана раббиал-а’ла» дегеннен кейін қайта «Аллаһу әкбар» деп орнынан тұрады. Бұлай істеу – сүннет. Бірақ артынан «Ғуфранака рәббәнә уа иләйкал-масир» деу – мұстахап. («Аллаһым! Кешіріміңді тілеймін. Сөзсіз саған қайтамыз»)[4].


[1] Тиләуә – аят оқу.

[2] Сәжде аяттары: Ағраф, 206; Рағыд, 15; Нахыл, 50; Исра, 109; Мәриям, 25; Хаж, 18; Фурқан, 269; Фурқан-60; Нәмл, 25; Сәжде, 15; Сад, 24; Фүссиләт, 37; Нәжм, 62; Иншиқақ, 20; Алақ, 19.
[3] Жүнүп болу: Жыныстық қатынас, ұйқысында сұйықтық бөлінсе немесе соған ұқсас жағдайлар арқылы мәнидің сыртқа шығуы. Ерлі-зайыптылар арасындағы жыныстық қатынаста мәни шықпаса да ғұсыл қажет. 
[4] Ислам ғылымхалы. М.Исаұлы, Қ.Жолдыбайұлы.

islam.kz

 

Әлеуметтік желілерде бөлісуді ұмытпаңыздар

Пікір қалдыру


Security code
Жаңарту

Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы