Сейсенбі, 05 Шілде 2016   |   618 рет оқылды

Сауабы мен күнәсі тең түссе, қайда барады?

Құран Кәрімде сауабы мен күнәсі тең түскен мұсылмандар жайы: «Ол екі топтың арасында бөгет бар. Ағрафтың үстінде әрқайсысын (жәннаттық пен тозақтықтарды) белгісінен танитын адамдар бар. Олар жәннаттықтарға:«Сендерге амандық болсын!», – деп үн қатады. Олар оған (жәннатқа) кірмеген, (жәннатты) үміт етеді[1]»,-деп баяндалған.

Хузайфа, Ибн Аббас, Ибн Масғұд (р.а.) және тағы басқа сахабалар сауабы мен күнәсі тең келген адамдар басқалардың есеп-қисабы біткенше Ағрафта тұратындығын риуаят еткен. Ағраф – жәннат пен тозақ ортасындағы биік қорған. Ибн Жарир Хузайфадан (р.а.) мына риуаятты келтірген: «Ағраф иелері – сауап және күнә амалдары тең түскендер. Олардың күнәлары жәннатқа кіруге кедергі болған, ал сауаптары тозаққа кіргізбей ұстап тұрған жандар. Олар ағраф қорғанында Алла Тағала басқаларға төрелік етіп болғанша тұрады[2]».

Түйіндей айтқанда, адамзат жәннат пен тозаққа бөлінген соң, Алла Тағала ағраф иелерін Өз кеңшілігі және мейірімімен жәннатқа кіргізеді[3].

 

[1] Ағраф сүресі, 46-аят
[2] Ибн Касир, 2-том, 25-бет
[3] Алам Ахир, 254-бет

Әлеуметтік желілерде бөлісуді ұмытпаңыздар

Пікір қалдыру


Security code
Жаңарту

Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы