Сейсенбі, 21 Ақпан 2017   |   463 рет оқылды

Отбасы құндылығы, қыз тәрбиесі назардан тыс қалмайды

ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешітінің әйелдер-қыздар секторы өз жұмысын бастағалы біршама игілікті шараларды ұйымдастырып, аймақтағы әйелдер-қыздар жамағатының жұмысы күшеюде.

Тек қана жергілікті мешіттерде ғана емес, аудан, қала, кенттерде орналасқан мешіт ұстаздары әйелдер-қыздар секторының жұмысы аясында бірқатар шараларды өткізуде.

Атап айтар болсақ Байқоңыр қаласындағы Жәрімбет мешітінің әйелдер-қыздар бөлімінің ұстазы Сыдыкова Ләззат «Әжелер мектебін» ашып, қажы апалардың басын қосып, "Қыз өссе елдің көркі" тақырыбында дөңгелек үстел өткізді.

Сондай-ақ, қалалық «Ыбрайым молда» мешітінде әйелдер-қыздар секторының бастамасымен "Отбасы құндылығы" тақырыбында дөңгелек үстел өтті.

Мешіт ұстазы Сарыкулова Асия ұстаз шәкірттердің ата-аналарын шақырып, тәрбие өзегі – имандылық, отбасы тұрақтылығы турасында насихаттарды жеткізді.

ҚМДБ-ның Қызылорда облысы бойынша өкілдігінің әйелдер-қыздар секторы жетекшісі, қалалық «Айтбай» мешітінің ұстазы Файзуллина Марал осы бағыттағы бірқатар игі бастамалардың жүзеге асырылуына мұрындық болуда.

Қызылорда облыстық «Ақмешіт-Сырдария»

мешітінің баспасөз қызметі

Әлеуметтік желілерде бөлісуді ұмытпаңыздар

Пікір қалдыру


Security code
Жаңарту

Қызылорда облыстық орталық «Ақмешіт-Сырдария» мешітінің ресми сайты
Сайтты жасаушы және техникалық қолдау көрсетуші Avant Systems компаниясы