ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ресми сайты
ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ресми сайты
01/15/2019 241

БАС МҮФТИ ТІКЕЛЕЙ ЭФИРДЕ “ЖУСАН” ОПЕРАЦИЯСЫНА ҚАТЫСТЫ СҰХБАТ БЕРДІ (ФОТО+ВИДЕО)

Қазақстан мұсылмандары діни басқармасының төрағасы Серікбай қажы Ораз Қазақстан ұлттық арнасындағы “Apta” ақпараттық-сараптамалық бағдарламасына “Жусан” операциясына қатысты сұхбат берді.

“Расында, Елбасы қамқорлығымен қантөгіс пен озбырлықтың ошағына айналған Сириядан жалған ұрандар мен үміттердің, шариғатқа қайшы сенімнің құрбаны болған 47 отандасымыз Отанымызға оралды. Мемлекет қашан да азаматтарымыздың қай жерде жүргеніне қарамастан олардың қауіпсіздігін қамтамасыз ете бермек. Бейнелеп айтқанда, мемлекетіміз тағдыры тəлкекке түскен 47 адамды жер бетіндегі тамұқтан арашалап алды. Халқымызда: “Ораза, намаз – тоқтықта”, – демей ме? Дін тоқшылық пен бейбітшілік заманда ғана өркендейді. Құлшылық пен тіршілік бейбіт кезеңде берекелі болады. Мұны əр азамат жадынан шығармауы тиіс”, – деп атап өтті Серікбай Сатыбалдыұлы.

Бас мүфти сұхбат барысында Діни басқарманың халықты діни ағарту саласы бойынша атқарып жатқан жұмыстары жайлы баяндап берді.