https://www.youtube.com/watch?v=qRg8I3xPeo8
Қасиетті рамазан айының соңғы күнінде ҚМДБ-ның Сыр өңірі бойынша Бас имамы Болатбек Ұласқанұлы қарилармен бірге тікелей эфирде Құран Хатым дұғасын жасады.
Бас имам Болатбек Ұласқанұлы Алла Тағаладан мүбарак айда жасалған дұға-құлшылықтар мен қайырлы амалдардың қабыл болуын тілеп, ел амандығы мен жұрт тыныштығы үшін дұға етті. Сөз соңында қариларға алғыс білдіріп, мұсылман қауымын Айт мерекесімен құттықтады.
Айта кетейік, берекелі ай басталғалы елдегі ахуалға байланысты ҚМДБ-ның Қызылорда облысы бойынша өкілдігінің ұйымдастыруымен сыр бойылық қарилар күнделікті онлайн режимде Құран оқыған болатын. Сонымен қатар, онлайн уағыз-дәрістер де үздіксіз жүргізіліп келеді.
ҚМДБ-ның Қызылорда облысы бойынша өкілдігінің баспасөз қызметі