ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ресми сайты
ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ресми сайты
27 Маусым, 2019 147

БАС МҮФТИ АПАТТАН ҚАЗА БОЛҒАН ЖАННЫҢ ЖАНАЗАСЫН ШЫҒАРДЫ

Қазақстан мұсылмандары діни басқармасының төрағасы Серікбай қажы Ораз Арыстағы әскери бөлімде болған жарылыстан қаза тапқан азаматтың жаназасын шығарды.

Шымкент қаласындағы «Ақ мешіт» құлшылық үйінің ауласында өткен жаназа рəсіміне қала әкімі Ғабидолла Əбдірахымов, белгілі жазушы Мархабат Байғұт, мыңнан астам жамағат қатысты.

Бас мүфти азаматынан айырылған отбасына көңіл айтып, дұға жасады.

Жамағат алдында уағыз айтқан Серікбай қажы Ораз:

«Отбасының нəпақасын табу үшін жолға шығып, жан тапсырған адамның Алла алдында дəрежесі артады. Ажал мен төтенше жағдай төтеннен келетін нəрсе. Біз тағдырға тəн берген халықпыз. Алла бауырымызды мейіріміне бөлесін», – деді.
Қазақстан мұсылмандары діни басқармасы апаттан ажал құшқан азаматтың отбасына қаржылай көмек көрсетті. Сонымен қатар, ҚМДБ қызметкерлері Арыс тұрғындарына бір күндік жалақыларын аударды.

https://www.muftyat.kz/kz/news/17653