245ҚМДБ-ның Қызылорда облысы бойынша өкілдігі, облыстағы «Әйелдер-қыздар» секторы және «Зекет» қайырымдылық қорының бірлесуімен қасиетті Рамазандағы кезекті қайырымдылық акциясы өтті.
Берекелі Рамазанның әр жұмасы сайын тұрақты түрде өткізіліп жатқан «Рамазан – мейірімділік айы» акциясының кезекті шарасында 100 мүмкіндігі шектеулі жандарға көмек көрсетілді.
Нақтырақ айтқанда, ҚМДБ-ның Сыр өңіріндегі Өкілі Болатбек Ұласқанұлы көмек алуға келген 35 зағип, 15 есту және сөйлеу қабілетінен айырылған жандар мен 30 ДЦП баласы бар жалғызбасты, көпбалалы аналарды мүбарак аймен құттықтап, азық-түлік үлестірді.
Ал, облыстағы «Әйелдер-қыздар» секторы ұстаздары қалған 20 мүмкіндігі шектеулі жандарды зиярат ету мақсатында үйлерін аралап, азық-түлікті өз қолдарымен апарып берді.
ҚМДБ-ның Қызылорда облысы бойынша өкілдігінің баспасөз қызметі
