ҚОҒАМ ТҰРАҚТЫЛЫҒЫНЫҢ БАСТАУЫ – АДАЛДЫҚ

Қызылорда облысының бас имамы Дастан Жанасұлы Жалағаш ауданына жұмыс сапары барысында аудандық ішкі істер бөлімі қызметкерлерімен кездесті.

Кездесу барысында бас имам қоғамдағы тұрақтылық пен тыныштықты сақтауда адалдық пен әділдіктің маңыздылығына тоқталды. Құқық қорғау саласында қызмет ететін азаматтардың жауапкершілігі жоғары екендігін атап өткен Дастан Жанасұлы адал қызмет – елге қызмет етудің ең биік көрінісі екенін жеткізді.

Сондай-ақ, дін мен заңның өзара сабақтастығы, қоғамда құқық бұзушылықтың алдын алуда рухани құндылықтардың орны туралы кеңінен айтылды.

ҚМДБ-ның Қызылорда облысы бойынша өкілдігінің баспасөз қызметі