РАНТ МҮШЕСІ АРМАН ҚУАНЫШБАЕВТЫҢ СЫР ӨҢІРІНЕ САПАРЫ

Республикаға танымал дін саласының маманы, теолог, «Балаби қари» Құран жаттау орталығының директоры, Республикалық ақпараттық-насихат тобының мүшесі, ұстаз Арман Қуанышбаев Сыр өңіріне жұмыс сапарымен келді.

Сапар барысында Арман Баймаханұлы Қызылорда облыстық орталық «Ақмешіт-Сырдария» мешітінде, қалалық орталық «Нұр» мешітінде және Шиелі ауданының орталық мешітінде, «Шәйзінда» мешітінде уағыз айтып, жергілікті жамағатпен кездесті.

Сондай-ақ, қала мешіттерінің имамдарына арналған біліктілікті арттыру семинарында «Уағыз-насихат айтудың тәртіптік ережесі» тақырыбында дәріс оқыды.

ҚМДБ, Қызылорда облысы өкілдігінің баспасөз қызметі