2412ҚМДБ Қызылорда облысы бойынша өкілдігі, Жаңақорған «аудандық орталық» мешітінде «Жаңа рамазан, жаңа мүмкіндіктер» атты рухани кеш болып өтті. Шара аясында жамағатқа Рамазанға қатысты уағыз-насихат айтылып, викториналық сұрақтар қойылып, сыйлықтар берілді.
Қасиетті Құран аяттарымен басталған кеште аудан имамы Әбдіхалық Махмутұлы сөз алып, бүгінгі кештің маңыздылығы туралы айтып, Рамазан айының берекелі өтуін тіледі.
Кешке арнайы шақырылған ҚМДБ “Жастар ісі” секторының Қызылорда облысы бойынша меңгерушісі Айтжан Мұсаұлы Рамазан айының қадір-қасиетіне тоқталып, ақ тілегін білдірді.
Шараға қатысушы жамағат Рамазанға байланысты интеллектуалды сайысқа қатысып, өзара бақ сынасты.
Шара соңында, жүлдегерлер арнайы сыйлықтармен марапатталды. Рухани кештен ерекше әсер алған жамағат ұйымдастырушыларға алғыс білдірді.
