АРАЛҒА ЖАҢА БАС ИМАМ ТАҒАЙЫНДАЛДЫ

Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бұйрығымен Мырзағазиев Ануар Махсатұлы Қызылорда облысы Арал аудандық орталық мешітінің бас имамы қызметіне тағайындалды.

Бұл туралы Аралға арнайы іс сапармен барған Сыр өңірінің Бас имамы Дастан Құрманбаев аудан жамағатына хабарлап, жаңа имамды таныстырды, қызметіне сәттілік тіледі.

Сондай-ақ Бас имам Дастан Жанасұлы Арал аудандық орталық мешітіне жиылған жұртшылыққа «Қожа Ахмет Яссауи және оның хәл ілімі» тақырыбында жұма уағызын айтты, облыстық «Ақмешіт-Сырдария» орталық мешітінің наиб имамы, қари Шыңғысхан Жаппарханұлы жұма құтпасын оқыды.

____________________________

Мырзағазиев Ануар Махсатұлы – 1990 жылы Қызылорда облысы, Арал ауданы, Арал қаласында дүниеге келген.

Білімі: Жоғары

2013-2017 жж. Нұр–Мүбарак Египет ислам мәдениеті университетін «Исламтану» мамандығы бойынша бітірген.

Еңбек жолы:

2017-2018 жж. Қызылорда облысы, Арал ауданы, Жақсықылыш кенті «Жақсықылыш» мешітінің имамы;

2018-2019 жж. Қызылорда облысы Арал ауданы әкімшілігі, «Ішкі саясат» бөлімінің теолог маманы;

2019 жылдан бастап Қызылорда облысы, Арал қаласы, Арал аудандық орталық мешітінің наиб имамы қызметін атқарып келді.