ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ресми сайты
ҚМДБ-ның Қызылорда облысы бойынша өкілдігі, «Ақмешіт-Сырдария» орталық мешітінің ресми сайты
03/14/2025 137

БАЙҚОҢЫРДА «РОБОТОТЕХНИКА» ҮЙІРМЕСІ АШЫЛДЫ

ҚМДБ Жастар ісі секторы, Қызылорда облысы бойынша өкілдігі, Байқоңыр қалалық “Жәрімбет” мешітінде “Робототехника құрастыру” үйірмесі өз жұмысын бастады.
Бұл бастама балалардың техникалық білімін жетілдіруге, заманауи технологияларға деген қызығушылығын оятуға және ғылым мен діннің үйлесімді дамуына үлес қосуға бағытталған. Мешіт қабырғасында осындай жаңашыл сабақтардың өткізілуі – Ислам дінінің білім мен ғылымды қолдайтынын көрсетеді.
Дәрісті Байқоңыр қалалық №10 орта мектебінің математика-физика пәні мұғалімі, “Top Engineers” робототехника клубының директоры Алданыш Болатұлы жүргізуде. Үйірмеде шәкірттерге робототехника негіздері, механикалық жүйелерді құрастыру және бағдарламалау негіздері үйретіледі.
Сабақтар тұрақты түрде жалғасып, шәкірттердің техникалық дағдыларын дамытуға мүмкіндік бермек.
Сабақ әр жексенбі күні өткізіледі.
ҚМДБ-ның Қызылорда облысы бойынша өкілдігінің баспасөз қызметі