Сыр өңірінің бас имамы Дастан Құрманбаев мешіт жаныңдағы діни сауат ашу курсының қос бірдей шәкіртін марапаттады.
Тарқатып айтар болсақ, бас имам Дастан Жанасұлы Алланың Кәләмін толығымен жаттауға ниеттенген болашақ қариларды арнайы құттықтап, ынталандыру мақсатында Құран Кәрімнің екі парасын жаттаған Жанарыс Сағындыққа ноутбук, бір парасын жаттаған Айсұлтан Қайырбекке велосипед тарту етті.
Айта кетейік, екі шәкірт те бос уақыттарында Қызылорда облыстық «Ақмешіт-Сырдария» орталық мешітінде діни сауат ашу курсының «Құран. Тәжуид» сабағына қатысу арқылы 1 жылға жетпей осындай нәтижеге қол жеткізіп отыр.
ҚМДБ-ның Қызылорда облысы бойынша өкілдігінің баспасөз қызметі