ӨКІЛДІК ЖҰМЫСЫ ПЫСЫҚТАЛДЫ

Бүгін Қызылорда облысының бас имамы Дастан Жанасұлының төрағалығымен өкілдіктің жұмысын пысықтауға арналған жиын өтті.

Қазақстан мұсылмандары діни басқармасы бекіткен бағыттар мен бөлімдерге жауапты мамандар қатысқан басқосуда дін мен дәстүр, ихсан және насихат, діни оқу-ағарту, жат діни ағымдардан сақтандыру бағыттары бойынша атқарылған жұмыстардың нәтижесі сараланып, ҚМДБ төрағасы, Бас мүфти Наурызбай қажы Тағанұлының тапсырмасына сәйкес 2025 жылғы жұмыс жоспарына енген жобаларға дайындық барысы талқыланды.

Айта кетейік, биылғы жыл – «Ислам және отбасы құндылығы» жылы деп жарияланған. Осыған орай және діни басқарманың 35 жылдығы аясында өңірде бірқатар жобалар жүзеге асырылып, айтулы шаралар ұйымдастырылып келеді.

ҚМДБ-ның Қызылорда облысы бойынша өкілдігінің баспасөз қызметі