2659Болашақ жоғары колледжінде “құмар ойындардың зияндылығы” тақырыбында студенттермен арнайы кездесу өтті.
ҚМДБ-ның Қызылорда облысы бойынша «Жастар ісі» секторының меңгерушісі Айтжан Мұсаұлы лудоманияның жеке тұлға мен қоғамға тигізетін кері әсері туралы жан-жақты ақпарат берді.
Кездесу барысында имам құмар ойындардың психологиялық, әлеуметтік және экономикалық салдары туралы айтып, ислам дінінде олардың тыйым салынғанын атап өтті. Сондай-ақ, жастарды салауатты өмір салтын ұстануға, білім мен рухани құндылықтарды басты орынға қоюға шақырды.
Іс-шара соңында қатысушылар өздерін қызықтырған сұрақтарын қойып, тақырып бойынша пікір алмасты. Ұйымдастырушылар алдағы уақытта да осындай тәрбиелік маңызы зор шараларды жалғастыруды жоспарлап отыр.
