294Қазақстан мұсылмандары діни басқармасы, «Қайырымдылық және уахып істері» бөлімінің меңгерушісі К.Тұрдыбаев Сыр өңірінің Бас мешітінде жұма уағызын айтты.
Қызылордаға арнайы сапармен келген Камалжан Бекбосынұлы алдымен «Ақмешіт-Сырдария» орталық мешітіне табан тіреп, өкілдіктің тыныс-тіршілігімен танысты. Бұдан кейін облыстық мешітке жиылған жамағатқа «Денсаулық – зор байлық» тақырыбында жұма уағызын айтып, Алла Тағалының адам баласына берген үлкен нығметтерінің бірі жайында сөз қозғады.
Сыр халқымен бірге оқылған жұма намазынан соң ата-баба рухына құран бағышталып, ел бірлігі мен амандығы үшін дұға жасалды.
ҚМДБ-ның Қызылорда облысы бойынша өкілдігінің баспасөз қызметі
