6
Қызылорда облыстық «Ақмешіт-Сырдария» орталық мешітінде өткен Ораза айт мейрамына 3000-нан аса адам қатысты.
Берекелі тойды тарқатар болсақ, Сыр өңірінің бас имамы Дастан Жанасұлы аймақтың бас мешітіне жиылған жұртшылықты құттықтап, «Ораза айт – ұлық мереке» тақырыбында уағыз айтты. Жамағатпен бірге айт намазын оқып, Алладан елімізді түрлі апат пен бүліктен сақтауын сұрады, халқымызға тыныштық пен береке тіледі.
Бұдан кейін мереке әдеттегідей думанды шаралар мен спорттық сайыстарға ұласты. Балаларға «айт тәттісі» таратылды, ерлер жағы ұлттық ойындарда бақ сынасып, жеңімпаздар қаржылай сыйлықтармен марапатталды.
ҚМДБ-ның Қызылорда облысы бойынша өкілдігінің баспасөз қызметі
