134Сыр мешіттерінде Наурыз мейрамы жоғары деңгейде аталып өтті.
Нақтырақ айтар болсақ, ҚМДБ Жастар ісі секторы, Қызылорда облысы бойынша өкілдігінің ұйымдастыруымен облыс көлеміндегі мешіттерде ауызашарға жиылған жамағатқа наурыз дәмі ұсынылып, дін мен дәстүр сабақтастығы жайлы насихат айтылды, спорттық жарыстар өтті, ұлттық құндылықтарымыз дәріптелді.
Қалалық “Хазірет Осман” мешітінде ұйымдастырылған Наурыз тойына облыстың бас имамы Дастан Жанасұлы бастаған қала мешіттерінің имамдары мен жамағаты қатысты.
Шарада “асық ату”, “арқан тарту”, “ләңгі тебу”, “қол күрес”, “гір тасын көтеру” секілді спорттық сайыстар өткізіліп, 200 адамға ауызашар дастарқаны жайылды, наурыз көже таратылды.
Сондай-ақ Бас имам Дастан Жанасұлы аталмыш мешітте “Намаз оқудың сауабы мен дәрежесі” тақырыбында тарауық уағызын айтып, жамағатпен бірге тарауық намазын оқыды.
Ал, Жастар ісі секторының меңгерушісі Айтжан Мұсаұлы қалалық “Мырқы қажы” мешітіндегі спорттық сайыстарға қатысып, жүлдегерлерді марапаттап, сыйлықтар тыбыстады.
ҚМДБ-ның Қызылорда облысы бойынша өкілдігінің баспасөз қызметі
