ҚЫЗЫЛОРДАДА «МЕКТЕПКЕ ЖОЛ» АКЦИЯСЫ БАСТАЛДЫ

Қызылордада «Зекет және қайырымдылық» қорының ұйытқы болуымен «Мектепке жол» республикалық қайырымдылық акциясы басталды.

Облыстық «Ақмешіт-Сырдария» орталық мешітінде өткен шара барысында 500 оқушыға оқу құралдары салынған сөмкелер тарту етілді. Игі бастамаға Сыр өңірінің бас имамы Дастан Жанасұлы арнайы қатысып, балаларды жаңа оқу жылының басталуымен құттықтады.қ

Айта кетейік, сауапты іске «Gibadat_kzo» құрылыс заттары орталығы, «Biali Sport» спорт тауарлары дүкені, «Sapar trade» көтерме шай және су орталығы, «Gibrat» кеңсе тауарлары дүкені, «Қонақжай» ұлттық өнімдер орталығы, «Рамазан» сантехника дүкені, «Дархан» құрылыс заттары дүкені, «Евробукет» гүлдер орталығы, «Dizel plus» автобөлшектер дүкені, «GNB service» орталығы, сондай-ақ Мұхтар Жүсіп пен Ғани Мұзарапов сынды жергілікті кәсіпкерлер атсалысып, демеушілік көрсетті.

Бұл жоба облыс көлемінде жалғасып, аудан және ауыл мешіттерінде де өтетін болады.

ҚМДБ-ның Қызылорда облысы бойынша өкілдігінің баспасөз қызметі