2333Жастар ісі секторы Қызылорда қалалық орталықтандырылған №19 кітапханаға “Muftiyat” баспасының өнімдерін тарту етті.
Нақтырақ айтар болсақ, Жастар ісі секторының Қызылорда облысы бойынша жауапты жетекшісі, қалалық “Мырқы қажы” мешітінің имамы Айтжан Мұсаұлы халықаралық кітап сыйлау күнінде аталмыш мекемеге арнайы барып, Қазақстан мұсылмандары діни басқармасының төл баспасынан жарық көрген кітаптарды табыстады.
Айта кетейік, бүгінде Сыр мешіттері тарапынан аймақтағы кітапханаларға кітап сыйлау үрдісі дәстүрге айналған.
ҚМДБ-ның Қызылорда облысы бойынша өкілдігінің баспасөз қызметі
